بیوگرافی
محمد باقر ندیمی متخلص به تاپیلماز ازخطه ی مردم غیور آذربایجان و از شهرستان مراغه است.که اشعار خودرا از همان کودکی در دفتر خود می نوشته است که تعجب معلمان و استادان ایشان را به همراه داشته است.ایشان بعد از حضور در نهضت سوادآموزی وتدریس چندساله توانست با ادامه ی تحصیلات خود موفق به اخذ مدرک کارشناسی زبان وادبیات فارسی شود. ایشان اشعار بی بدیلی درقالب های غزل,قصیده,قوشما,رباعی سروده است واوج احساسات رادر اشعار خود نشان داده است. این شاعر توانمند هم اکنون در انجمن های ادبی مراغه وبناب حضور پرفروغی رادارد.
پاییزین یاپراغییام ، یازدا دؤزومدن دانیشیر
یاراماز نیسگیله باخ، غمده سؤزومدن دانیشیر
بیرجه دان باشلانیشی،ماوی گؤرونمور گؤزومه
سیلله لر له قیزاران لاله، اؤزومدن دانیشیر...
تاپیلمازمراغه ای
آقارداش
زامانیمدان یورولموشام آقارداش
قابیخ -قابیخ سؤیولموشام آقارداش
چولغالانیب بوشاخدالیق جانیمه
اویوم -اویوم اویولموشام آقارداش
قوورولوبدور اورییمین یارسی
سانجی ایچینده بورولموشام آقارداش
آغیزتوتوب مله میشم داغلارا
داغلی-داغلی بوغولموشام آقارداش
گولوش آلیب بودالغالار الیمدن
قارغیش- قارغیش پؤزولموشام آقارداش
بیرتاپیلماز جان قویموشام یوللارا
اووئم-اؤوئم اؤوولموشام آقارداش
چیسگین باخیش اوریمی داغلاییب
خئسین-خئسین قؤورولموشام آقارداش
قودوزگؤروب ملکلرین دونوندا
آرسیز-آرسیز وورولموشام آقارداش
زمان آلیب یاشایشی الیمدن
دؤزه-دؤزه یورولموشام آقارداش
اوستاد تاپیلماز
ایراندی بوسردار
دوشمنده بیلیر لنگر دوراندی بوسردار
بیرتک جانینا لشگر ایراندی بوسردار
میدان دولوسو مهد شجاعتدی ازلدن
داغ تک دایانان سنگرقرآندی بوسردار
خیبرسایاقی شمشیریچوخ قورخوسالاندی
عالم نئشانی حیدر یزداندی بوسردار
لشکر قابا قیندا قیلیجی حمزییه بنزر
مالک سایاقی اشتر اصلاندی بوسردار
عباس نشانی قولارینی ایسلاما وئردی
صاحیبه کرم یاور جاناندی بوسردار
اول ده جانی ائیلدی بیر جانانا قوربان
رهبر بویوران اکبر گورداندی بوسردار
سردارکیمی بیر شمشیردوران داتاپیلماز
عنقاده دئدی شاپر ایماندی بو سردار
بیر عرشه علا دور مثلی حیدرکررار
قیلماندی ملک کوثر ریضواندی بوسردار
جان وئردی جانی امت ایران اوموجوندا
طاها گؤونن افسر میداندی بوسردار
دوشمن باتیریر شالواری سردارم گؤرجک
عالمده دئییر محشر دوراندی بوسردار
اوستاد تاپیلماز
کاش گؤریدی گؤزلریمده بونمی
یول ائدیدی داغلی داغلی سینمی
گؤرمیینده داریخیرام صنمی
آرخاسیندا هیجران دئییم نه دئیی
م اؤز اؤزومه هزیان دئییم نه دئییم
🔸اوستاد تاپیلماز
گؤل جمالی آیین چیخان چاغیدی
گوزه لیگی اؤره ییمین یاغیدی
گؤزلریمین قاراسیدی آغیدی
آی یارادیب سوبحان دئییم نه دئییم
اؤز اؤزومه هزیان دئییم نه دئییم
🔸اوستاد تاپیلماز
همیشه کؤنلومدسن دیلیم دوداقیمسن آتا
قارانلیق یولاریمه روشن چراغیمسن آتا
عشقی معنا ائیلدون من تک دلی دیوانیه
گؤزلریم اوستوندسن قلبیم قوناقیمسن آتا
🔸اوستاد تاپیلماز
او قدر آغلادیسان نالمی دونیا ائشیدر
کبریاده یازیلار عالمه اوقبا ائشیدر
یئنه هیجرینده یانار سئحر فراقینده جانیم
اشهدالله چئکیلر صاحب معنا ائشیدر
🔸اوستاد تاپیلماز
سیزه دئییم اوچان قوشلار
منه سیتم یار ائیلدی
جاوانلیغی آلدی مندن
گئن دونیامی دار ایلدی
سالدی منی آیاقلارا
ائل ایچننده خوار ایلدی
دئدیم اؤلدور قورتار منی
آر ایلمز آر ایلدی
قاتدی منی حسرتلره
بو عشقیمی جار ایلدی
بیر تاپیلماز ورقین کیمی
یانیق کؤنلو ،زار ایلدی
🔸اوستاد تاپیلماز
غم یازما، یازیم تازه نوباریم گئدیر ائلدن
دردلر قالانیب گوللو باهاریم گئدیر ائلدن
آی بو گئجه صوبحه قدر آغلامیشام من
رحم ائیله تانریم صبر و قراریم گئدیر ائلدن
🔸اوستاد تاپیلماز
گؤروللر
عاقیل جانیمی گؤرنئجه دیوانه گؤروللر
قلبیم سئنه دوست اولسادا بیگانه گؤروللر
کؤنلوم یئنی درد اهلیدی هی دیللمه غافیل
گرچکدن اولان دردیمی افسانه گؤروللر
قلبین قدحین زجریله مین قانه بویولار
غملر دولانیر باشیمه پروانه گؤروللر
ظالیم داش آتانلار باشیمی هی داشا باغلیر
داشی دئینی باشیمه فرزانه گؤروللر
یانسین بئله گؤزلر کؤر اولا گؤرمیه بلکه
کؤکسیمده اولان کعبنی بت خانه گؤروللر
ویران اولا عالم بئله ویرانه تاپیلماز
غملرده یانان قلبیمی مستانه گؤرولر
اوستاد تاپیلماز
گئل آقا
گئل لاله گولوم باشیوه پروانه دولانسین
سئن یاردیم ائله من تکی مستانه دولانسین
او گول جمالین وصفینه مین لیلی یازلسین
سئن گئلدییجه آرخادا افسانه دولانسین
شرحین یازاراق من دلی دیوانسی اولدوم
ایلئن باشیوه من تکی دیوانه دولانسین
ایذن ائیله آقا شان باهارا گوللر آچلسین
هفت رنگ اوخوسون بوبلبوله رندانه دولانسین
دفترده سؤزوم دردینی اویقون یازا بیلمئز
قوی قلم یازدیغیجا عالمی حیرانه دولانسین
اوستاد تاپیلماز
درباره ما
